|
 Тоқшылық Ерлан Бейсенұлы, филиал директоры
1977 жылдың 5 мамырында Қарағанды облысы, Шет ауданына қарасты Нілді ауылында дүниеге келген. Қарағанды қаласындағы Академик Е.А.Бөкетов атындағы Қарағанды мемлекеттік университетін «журналистика» мамандығы бойынша үздік бітірген, журналистика магистрі. Еңбек жолын 1998-1999 жылдары Қарағанды облысы, Абай қаласының «Абай хабаршысы» аудандық газетінің бас редакторы қызметінен бастаған. 1999-2001 жылдары Қарағанды қаласының «Өзгеріс-Перемена» облыстық педагогикалық газетінде бас редактор, 2001-2002 жылдары Академик Е.А. Бөкетов атындағы ҚарМУ-дің журналистика кафедрасында оқытушы, 2002-2005 жылдары Солтүстік Қазақстан облыстық телерадиокомпаниясында редактор, 2002-2007 жылдары М.Қозыбаев атындағы СҚМУ-де аға оқытушы. 2007-2010 жылдары Солтүстік Қазақстан облысы әкімінің кеңесшісі, баспасөз хатшысы қызметтерін атқарған. 2010 жылдың 16 тамызынан «Қазақстан» РТРК АҚ СҚОФ директоры қызметінде. Қазақстан Журналистер одағының грамотасымен марапатталған. Республикалық «Қазақстан-Сорос» байқауының жүлдегері (Алматы, 1998), аймақтық жас журналистер байқауының жеңімпазы (Қарағанды, 2004), ІХ Халықаралық «Шабыт» шығармашыл жастар фестивалінің «журналистика» номинациясы бойынша дипломанты (Астана, 2006). «Әдебиет жылнамасы», «Қазақстан» Ұлттық арнасындағы ойын-сауық хабарлары» атты әдістемелік оқу құралдарының авторы.
 Шаймерденов Самат Есмағиұлы, директордың орынбасары, бас редактор
1976 жылы Солтүстік Қазақстан облысы, Жамбыл ауданы, Амангелді аулында дүниеге келген. 2001 жылы Л.Н.Гумилев атындағы Еуразия Ұлттық университетін аяқтаған. Мамандығы - журналист. 2001-2003 жылдары «Астана» қалалық телеарнасы жаңалықтар бөлімінің редакторы, 2003 жылдан «Қазақстан» РТРК АҚ Солтүстік Қазақстан облыстық филиалында қызметте.
 Денисенко Федор Иванович, аға редактор
1957 жылдың 6 тамызында Новосібір облысында дүниеге келген. Әл-Фараби атындағы Қазақ Ұлттық университетінің түлегі. Мамандығы - журналист. «Қазақстан-Петропавл» облыстық телерадикомпаниясында 1976 жылдан бастап қызметте. Режиссердің көмекшісі, кинооператордың ассистенті, редактор, облыстық радио редакторының орынбасары, телевизияның бас редакторы қызметін атқарған. Бүгінде телебағдарламалар әзірлеудегі шығармашылық топтың аға редакторы. «Алтын жаршы» белгісінің иегері.
 Қалиева Баян Дулатқызы, редактор-жүргізуші
1981 жылы 27 тамызда Жамбыл ауданының Баян ауылында дүниеге келген. Мамандығы - қаржыгер. «Ақпарат» жаңалықтар бағдарламасында диктор. «Өнерпаз болсаң», «Ақ тілек», «Денсаулық», «Айғаным» секілді бірнеше хабардың редакторы әрі жүргізушісі. «Оқиғалар ортасында» апталық-сараптамалық бағдарламасының редакторы.
 Нұргүл Ахметова, редактор
1989 жылы Солтүстік Қазақстан облысы, Жамантау ауылында дүниеге келген. М.Қозыбаев атындағы СҚМУ-ді тәмамдаған. Мамандығы - журналист. 2009 жылдан бері «Қазақстан-Петропавл» арнасында ақпараттар бөлімінде редактор. «Личность» хабарының авторы әрі жүргізушісі.
 Жазитова Фариза Қамидоллақызы, редактор
1991 жылдың 2 қаңтарында Солтүстік Қазақстан облысы, Тимирязев ауданы, Тимирязев ауылында дүниеге келген. Мамандығы - драма театрының актрисасы. «Айгөлек», «Ақ тілек», «Ақпарат» секілді бірнеше хабарлардың редакторы, әрі жүргізушісі.
 Жақыпов Самат Қайрденұлы, редакторы
1990 жылы Солтүстік Қазақстан облысы, Шал ақын ауданы, Балуан ауылында туған. М.Қозыбаев атындағы СҚМУ-ді тәмамдаған. 2009 жылдың наурызынан облыстық «Қазақстан-Петропавл» телеарнасында редактор. Күнделікті жаңалықтарды дайындайды, «КримРадар» хабарының авторы әрі жүргізушісі.
 Рамазанов Олжас Бейбітұлы, редактор
1990 жылдың 25 қыркүйегінде Шал ақын ауданының Қаратал ауылында дүниеге келген. Мамандығы - тарихшы. Облыстық «Қазақстан-Петропавл» арнасында «Ақпарат» жаңалықтар бағдарламасында диктор. «Есіл таңы», «Отандастар» сияқты бірнеше хабардың редакторы әрі жүргізушісі. «События недели» апталық-сараптамалық бағдарламасының редакторы.
 Құрманкин Абзал Дәуренбекұлы, редактор
1991 жылы қыркүйектің 12 жұлдызында Қостанай қаласында дүниеге келді. 2010 жылы Қостанай экономикалық колледжін үздік тәмәмдаған. Солтүстік Қазақстан мемлекеттік университетінде оқиды. 2010 жылдан «Қазақстан-Петропавлда» редактор, «Ақпарат» жаңалықтар бағдарламасының жүргізушісі.
 Кұсайынова Әйгерім Айдарқызы, жүргізуші-редактор
1990 жылдың 9 ақпанында Солтүстік Қазақстан облысы, Қызылжар ауданы, Якорь ауылында дүниеге келген. 2011 жылы Манаш Қозыбаев атындағы СҚМУ-ді тәмамдаған. Облыстық «Қазақстан-Петропавл» арнасында «Личный кабинет», «В прямом эфире», «Отандастар» сынды бағдарламалардың авторы, жүргізушісі. Жарнамалық бейнероликтерді жасауда тәжірибесі мол.
 Пилипцевич Елена Геннадиқызы, аға режиссер
1963 жылдың 20 қазанында Петропавл қаласында дүниеге келген. 1981 жылы Петропавл телевизия студиясындағы фильмотека қызметіне қабылданады. 1991 жылы Челябі мемлекеттік институтын «театр ұжымының жетекшісі» мамандығы бойынша бітірген. Телевизияда режиссердің көмекшісі, режиссердің ассистенті, режиссер электро-механик, монтаждаушы болып қызмет істеді. 2010 жылдан облыстық «Қазақстан-Петропавл» телеарнасының аға режиссері.
 Филков Сергей Владимирұлы, бас инженер
1981 жылдың 12 қарашасында Петропавл қаласында туған. 2004 жылы М.Қозыбаев атындағы СҚМУ-ді бітірген. Мамандығы - биомедициналық қондырғылар мен жүйелер инженері. 2005 жылдың қаңтарынан «Қазақстан» РТРК АҚ СҚОФ еңбек етуде. 2009 жылдан телеарнаның бас инженері.
 Манылов Владимир Николайұлы, телеоператор
1951 жылдың 22 сәуірінде Петропавл қаласында дүниеге келген. 1977 жылы Петропавл педагогикалық институтын «тарихшы» мамандығы бойынша бітірді. 1968 жылдан Солтүстік Қазақстан облысының телевизия студиясында қызмет етуде. 1980 жылы Мәскеу қаласында өткен олимпиада ойындарын Жапондық «Asahi» ТВ телекомпаниясымен бірлесе түсірген топ мүшесі. Жоғары санатты телеоператор.
 Мұратова Гүлнар Ғазизқызы, режиссер
1962 жылдың 8 қазанында Петропавл қаласында дүниеге келген. 1985 жылы Петропавл қаласының педагогикалық институтында тарих-педагогика факультетін аяқтаған. Телевизия саласында 1988 жылдан бастап қызмет істеуде. Қазіргі таңда «Қазақстан-Петропавл» телеарнасының режиссері.
 Жақыпов Жамбыл Ғалымжанұлы, телеоператор
1971 жылдың 14 желтоқсанында Солтүстік Қазақстан облысы, Жамбыл ауданы, Орталық ауылында дүниеге келген. 1991 жылы Петропавл есеп-экономикалық техникумын «техник-құрылысшы технолог» мамандығы бойынша тәмамдаған. Телевизияда 2002 жылдың ақпанынан бастап қызмет істеуде.
|
1958 жылы облыстық Ұлттық депутаттар кеңесінің шешімімен Петропавлда телемұнараның құрылысы қолға алынды.1960 жылы 1 наурызда шығармашылық ұжымды құру жөнінде бұйрық қабылданды. Дәл осы жылдың маусым айында облыстық телевизияның тырнақалды бағдарламалары эфирге шықты. Ол кезде телевизия телерадио тарату жөніндегі комитеттің құрамында болатын. Оған облыстық радио, телеорталық және телевизия студиясы енді. Комитет төрағасы қызметін Я.М.Грин атқарды. Телеорталықты И.И.Макаркин, телестудияны Е.Н.Маклаков басқарды.1967 жылы телеарнаның шығармашылық ұжымы жерлес жазушы Иван Шуховтың романы негізінде «Ойын» фильмін түсірді. Режиссері - И.Маслов, операторы - А.Аккерт.1968 жылы студенттік құрылыс жасақтары туралы «Планета целины» деректі фильмі түсірілді. Авторы - Л.Перехрест, режиссері - О.Торопкина. Ауыл еңбеккерлері арасында өткен «Золотой колос» байқауы Петропавл студиясының бастамасымен ұйымдастырылған еді. Көрерменнің ықыласына бөлінген хабарлар ретінде телевизиялық «Софит» жастар клубы, «Северянка» әйелдер клубы, «Ақ отау» әдеби телевизиялық бірлестігінің бағдарламалары және «ЗУМ» балалар хабарын атап өтуге болады.1972 жылы телевизияға ПТВС алынды. Осы техниканың көмегімен хабарлардың дені оқиға ортасынан эфирге берілді. Алғашқысы - облыстық драма театрда өткен КСРО-ның 50 жылдығына арналған салтанатты жиналыс еді.1982 жылы телеарна түрлі-түсті форматқа көшірілді. Павильондағы бағдарламалармен қатар түрлі-түсті кино өндірісінің қыр-сыры да осы жылдары меңгерілді.1990 жылы телеарналарды жаппай коммерцияландыру дәуірі басталған кезде студия ұжымы қаржы табу мақсатында қызмет етті. Белгілі бір мекемелер үшін ақылы фильмдер түсірілді. Тілші Бекмұхамбетованың жетекшілігімен «СКВ Панорама» арнайы коммерциялық топ құрылды.Бүгінде «Қазақстан-Петропавл» облыстық филиалының өзіндік ойып алар орны бар. Телевизия тәулігіне 17 сағат хабар таратады. «Қазақстан» РТРК АҚ СҚОФ 2 қабатты өндірістік-әкімшілік ғимаратта орналасқан. Жалпы аумағы 1841,3 шаршы метрді құрайды. Тұрғындарды телерадиохабарлармен қамту мөлшері 70 пайызды құрайды. Телевизияның аумағы 220 шаршы метрді құрайтын кең павильоны бар, мұнда барынша көп адамды қатыстыруға мүмкіндігі бар хабарларды тікелей эфирде де, алдын ала жазу арқылы да өткізуге болады. Павильон қойылымдық әртүрлі планды декорациялармен, сантаңбалық 3 камерамен жабдықталған. Радиохабарларды тікелей тарату және жазу үшін заманауи компьютерлік және дыбыстық техникамен жабдықталған жеке студиясы бар. Барлық кешендер сантаңбалық форматта.
Көшіру | pdf
