Аймақтық желі

• Қостанай облыстық филиалы

  1989 жылы Қазақ КСР телевизия және радиохабарын тарату жөніндегі мемлекеттік комитетінің Қостанай облыстық телевизиясын ашу туралы арнайы шешімі қабылданған. Қостанай облыстық филиалы телевизиялық хабарларын тұңғыш рет 1991 жылы 1 ақпанда бастаған. Алғашқы сынақ хабарлары «Қазақстан» арнасынан аптасына 2 рет, сейсенбі және жұма күндері 30 минут бойында (қазақ және орыс тілдерінде)  шығып тұрған. Қостанай теледидарының тұңғыш іргетасын қалағандардың қатарында сол кездегі телерадиокомпания төрағасы Н.Ислямиев, Б.Нұрмұхамедов, бас инженер В.Асташов, бас редактор Ә.Мадиндер бар. Тұнғыш төл телехабарды жасап, эфирге шығаруға кәсіптік шеберлігі мен шығармашылық күш-қуатын жұмсаған журналистер Анатолий Гаврилов, Жанұзақ Аязбеков, Қайрат Мұқатов, инженерлер Анатолий Лукашкин, Юрий Смирнов, дикторлар Алла Ломова, Ляззат Жайынбаева және т.б. Облыс бойынша телехабар тарату «Кателко» жер серігі арқылы «Қазақстан» Ұлттық арнасында аптасына 5 рет (сенбі, жексенбі және мереке күндерінен басқа), 1 сағат көлемінде жүргізіледі. Қала бойынша  28 ДЦМ жиілігінде  тәулігіне 14 сағат  эфирге шығады. 2010 жылдың 13 желтоқсанынан  «Қазақстан-Қостанай» телеарнасы «ОтауТВ» спутнигі арқылы толық көлемде, 14 сағаттық телебағдарламаларды ел аумағына таратады.

• Біздің ұжым

  Манарбек Ауанұлы Қазин, филиал директоры   КСРО-ның 50 жылдығы атындағы Қостанай педагогикалық институтын, М.Горький атындағы Челябі мемлекеттік педагогика институтының педагогика кафедрасы аспирантурасын бітірген. "Педагогика тарихы мен теориясы" мамандығы бойынша кандидаттық диссертация қорғаған. 1994 жылы А.Байтұрсынов атындағы Қостанай мемлекеттік университеті физика-математика факультеті деканының орынбасары, доцент. 1996 жылы Қостанай облысы әкімі аппаратының ішкі саясат және әлеуметтік салалар бөлімінің меңгерушісі. 1997 жылы Қостанай қаласы әкімінің әлеуметтік мәселелер жөніндегі орынбасары. 2003 жылдың желтоқсан айынан «Қазақстан» РТРК АҚ Қостанай облыстық филиалының директоры. «Қазақстан Республикасының Тәуелсіздігіне 10 жыл» мерейтойлық медалімен марапатталды.     Жанұзақ Аязбеков, директордың орынбасары   1977 жылы әл-Фараби атындағы Қазақ Ұлттық университетінің журналистика факультетін бітірген. Қостанай облыстық телевизия және радио комитетінде қатардағы редактор, жастар редакциясының меңгерушісі, аға редактор, облыстық радионың бас редакторының орынбасары, Қостанай облыстық партия комитетінің баспасөз жөніндегі нұсқаушысы, Қазақ радиосы, Қазақ теледидары мен «Хабар» агенттігінің Қостанай облысындағы меншікті тілшісі, Қостанай облыстық телерадиокомпаниясы төрағасының орынбасары, «Заман» телеарнасының директоры қызметтерін атқарды. 1998 жылдан «Қазақстан» РТРК АҚ Қостанай облыстық филиалы директорының орынбасары, бас редакторы. Республикалық және облыстық телевизиялық байқаулар мен фестивальдердің бірнеше дүркін жеңімпазы және лауреаты. Мәскеуде өткен IV Еуразиялық телевизиялық форумына «Қазақ тұлпары» авторлық бағдарламасымен қатысқан. Қостанай облыстық меценаттар клубының «Қазына» сыйлығының жеңімпазы (2008 ж.). 2009 жылы «Қазақстанның құрметті журналисі» атағын алған.     Абдрахманова Күлтай Камалқызы, аға редактор   Қостанай мемлекеттік университетінің журналистика факультетін бітірген. «Қазақстан» РТРК АҚ Қостанай облыстық филиалында қатардағы тілші, аға редактор, жаңалықтар бөлімінің бастығы қызметтерін 1998 жылдан атқарып келеді. Облыс әкімінің сыйлығының иегері (2002 ж.),  «Тәуелсіздік тағылымы» атты циклды хабары үшін «Қазақстан» РТРК АҚ төрағасының Алғыс хатымен марапатталған.     Педан Инна Владимировна, аға редактор   «Память на запасном пути» телехабары Мәскеуде өткен IV Еуразия телефорумына (2001 ж.) , «Женские судьбы» хабары (2004 ж.) Астанада өткен шығармашылық жастардың IV «Шабыт» халықаралық фестиваліне қатысып, дипломант атанған. ҚР Мәдениет, ақпарат және қоғамдық келісім министрлігінің, ҚР Қазақстан Журналистер одағының және облыс әкімінің Құрмет грамоталарымен марапатталған. «Гость информационной студии» тікелей эфирінің редакторы әрі жүргізушісі.       Нұрмағанбетова Гүлнұр, аға редактор А.Байтұрсынов атындағы Қостанай мемлекеттік университетінің журналистика факультетін бітірген. 2002 жылдан бұқаралық ақпарат құралдары саласында қызмет істейді.     Гаврилов Анатолий Леонтьевич, редактор   Республикалық және облыстық байқаулардың бірнеше дүркін жеңімпазы, отандық телевизия ардагері. Петропавл қаласында КСРО-да тұнғыш рет студенттердің құрылыс отряды туралы телефестиваль ұйымдастырған. «Сын Родины» атты телехабары Алматыда өткен «Жолдас» республикалық телефестивалінде жеңімпаз атанған (1975 ж.). 1984 жылы Орталық және республикалық теледидардың меншікті тілшісі болған. 1989 жылға дейін КСРО Орталық «Қазақстан», «Хабар» телекомпанияларының облыстағы меншікті тілшісі. Қазіргі таңда спорт хабарларының жетекші редакторы. 2008 жылы Қазақ теледидарының 50 жылдығына орай, «Алтын жаршы» белгісімен марапатталған. «Қазақстанның құрметті журналисі»,  ҚР Туризм және спорт министрлігінің «Қазақстандағы үздік спорт журналисі» белгілерінің иегері, арнайы дипломмен марапатталған.     Қабылақат Қарағұлұлы Сейдахметов, редактор-жүргізуші   Қостанай облыстық телерадиокомпаниясында 1997 жылдан қызметте. 1997-1998 жылдары облыстық радиода 1 сағаттық «Сырласу» тікелей эфир хабарын жүргізген. Ахмет Байтұрсынов туралы 8 бейне фильм түсіріп,  125 жылдығына арналған байқауда жеңімпаз атанған. 2001-2004 жылдары «Ауыл» телеэкспедициясы бағдарламасын тұрақты түрде эфирге шығарған. 2007 жылдың қазанынан «Туған жер түлектері» телебағдарламасының авторы. 2008 жылы «Тірлік» бағдарламасының жүргізуші-редакторы.       Уәлиева Гүлмира Нұхаметжанқызы, редактор-жүргізуші   Т.Жүргенов атындағы Қазақ Ұлттық өнер академиясының түлегі. 2007 жылдан теледидарда  қызмет істейді. Тұңғыш «Қуыршақ» телехабарын, «Отбасынан бастайық» және жастарға арналған «Айыпқа бұйырмаңыз» ток-шоуларының авторы, жаңалықтар хабарының жүргізушісі.     Игорь Иванович Юдаков, бас инженер   Томск радиоэлектроника институтын (1991 ж.) және Қарағанды экономика институтын бітірген (2003 ж.). Облыстық радиотелеорталығында 1991 жылдан қатардағы инженер, бөлім бастығы. 1993 жылдан жылжымалы телестанцияның бастығы, 1994 жылдан телевизия цехының бастығы. 1998 жылдан бері компанияның бас инженері қызметінде. Үздік рационализаторлық жұмысы үшін «Қазақстан» РТРК АҚ Құрмет грамотасына (2005 ж.), облыс әкімінің грамотасы мен сыйлығына (2006 ж.) ие болған.     Ахметбеков Қыдырәлі, телеоператор     Ағылшынның «BBC» компаниясының Ресейдегі орталығында телеоператор курсын тәмамдаған. Телехабарлары республикалық және облыстық байқауларда жеңімпаз атанған.     Балғын Төлегенқызы Жантасова, бас есепші   Қостанайдың М.Дулатов атындағы инженерлік-экономикалық университетін бітірген (2005 ж.). 1998 жылдан Қостанай облыстық филиалында 1 санаттағы есепші, жетекші экономист-маман. 2004 жылдан бас есепші қызметінде. «Қазақстан» РТРК АҚ  Құрмет грамотасымен  марапатталған.

• Жетістіктер

  2001 жылы Мәскеуде өткен IV Еуразиялық телевизиялық форумына авторлық бағдарламаларымен қатысқан;   2002 жылы  «Апта» ақпараттық-сараптама бағдарламасы корпорация байқауында I орын;   2004 жылы «Қазақстан» РТРК АҚ филиалдары арасындағы ауыл жылына арнап өткізген байқауда Қостанай облыстық филиалы I орын;    2008 жылы Қазақ теледидарының 50 жылдығы мерейтойына арналған республикалық «Дидар» телефестивалінде Бас жүлде иегері. П.Томиловский ҚР Мәдениет және ақпарат министрлігінің «Мәдениет қайраткері», компания директорының орынбасары Ж.Аязбеков және редакторы А.Гаврилов «Қазақстан» РТРК АҚ «Алтын жаршы» белгісіне ие болды;   «Шабыт» Халықаралық шығармашылық фестиваліне И.Педан, М.Бекбаева қатысып, жүлде алған;   Ж.Аязбеков, А.Гаврилов, К.Абдрахманова, И.Педан, А.Адырбаева, А.Ибраев, Қ.Сейдахмет ҚР Қазақстан Журналистер одағының сыйлықтарының иегерлері;   2008 жылы Қазақ радиосы мен «Қазақ әдебиеті» газеті ұйымдастырған республикалық «Бір өлең - бір әлем» байқауында жас редактор Абылай Мауданов жүлделі үшінші орынды жеңіп алған;   2009 жылы ҚР Туризм және спорт министрлігінің республикалық байқауында Анатолий Гаврилов «ең үздік спорт журналисі» атанды. Филиал директорының орынбасары Жанұзақ Аязбеков пен редактор Анатолий Гаврилов «Қазақстанның құрметті журналисі» атағына ие болды. Жүргізуші-редактор Г.Уәлиева мен редактор М.Оспанов Қостанай облыстық меценаттар клубының «Қазына» және «Шабыт» сыйлықтарының жеңімпаздары атанды. К.Абдрахманова ҚР Мәдениет және ақпарат министрлігінің этножурналистикаға арналған конкурсының лауреаты атанды. ҚР Қазақстан Журналистер одағының, облыс әкімінің және «Қазақстан» РТРК АҚ байқауларының жеңімпазы және лауреаты.

• Бағдарламалар

  «Апта» Апта сайын сенбі күні берілетін апталық шолу және талдау бағдарламасы. Хабарда өткен аптадағы облыстың бедерлі де қадау-қадау оқиғалары мен құбылыстары қамтылады. Жаңалықтардың қоғамдық салмағына орай студияға мәселенің мәнісін түсіндіру үшін арнайы қонақ шақырылады.   Ұзақтығы: 30 мин. Жиілігі: айына 4 рет Жанры: ақпараттық-сараптама Хабардың түсірілетін жері: студия Тілі: қазақша және орысша Хабардың редакторы және жүргізушісі:  Абылай Мауданов, Дмитрий Соболев         «Ақпараттық студия қонағы»   Эфирден он жылдан бері тұрақты беріліп келеді. Хабарға облыстағы қала мен аудан әкімдері, облыстық деңгейдегі басқарма мен департамент, басқа да қоғамдық ұйымдардың басшылары шақырылып, бүгінгі күннің өзекті мәселелерін қозғайды. Телекөрермен өзін толғантқан мәселе туралы сала басшысына тікелей эфирде сұрақ қойып, тиісті жауабын алады, ой бөлісіп, пікір алмасады.   Ұзақтығы: 30 мин. Жиілігі: айына 4 рет Жанры: ақпараттық – сараптама Хабардың түсірілетін жері: студия Тілі: қазақша және орысша Хабардың редакторы және жүргізушісі:  Абылай Мауданов, Инна Педан   «Арнайы репортаж» Облыс өміріндегі ел назарын айрықша аударған оқиғалар мен құбылыстар, жұрттың көкейінде жүрген, сыр-сипатын білсем деген жағдаяттар, белгілі жайдың белгісіз қырлары туралы тұрақты беріліп келе жатқан бағдарлама. Жыл сайын Елбасының Қостанай облысына келген іссапарынан, айтулы ұлттық мерекелер - Наурыз мейрамы, Тәуелсіздік күні т.с.с қоғамдық-саяси ірі-ірі іс-шаралардан дайындалады.   Ұзақтығы: 15 мин. Жиілігі: айына 4 рет Жанры: ақпараттық-талдау Тілі: қазақша және орысша   «Сізбен бірге»   Телекөрермендермен тікелей эфирде пікірлесу, ой бөлісу. Студияға шақырылған қонақтармен танымдық тақырыптарды көтеру. Түрлі айдарлар арқылы хабарға өзіндік рең беріп, көрерменнің көңілінен шығар жол іздеу. Хабардың редакторлары және жүргізушілері: Қымбат Шұғайып, Меруерт Боқанова, Яна Шумейко, Ольга Костромыркина   Жанры: танымдық- көңілашар бағдарлама. Ұзақтығы: 80 мин. Жиілігі: аптасына 2 рет Түсірілетін жері: студия Тілі: қазақша     «Айтарым бар»   Көрермендердің тікелей өтініш-тілектеріне орай автор хабар кейіпкерлерін студияға шақырып, көтерген мәселесі бойынша жауапты органдар мен мекемелердің өкілдерін қатыстырып мән-жайын анықтауға ұмтылады. Қоғамдағы көпшіліктің көкейіндегі түйткілдер сөз болады.   Ұзақтығы: 30 мин. Жиілігі: айына 4 рет Жанры: ақпараттық-сауықтық Тілі: қазақша Авторы және жүргізушісі: Күлтай Әбдірахманова   «Елбесік»   «Қазақстан-Қостанай» телеарнасының ауыл өміріне арналған хабарының негізгі тақырыбы - ауыл тұрғындарының әлеуметтік жағдайы, тұрмыс-тіршілігі, мұң-мұқтажы. Хабарда аграрлық сектордағы шешімін күткен көкейкесті мәселелер қамтылады. Хабарға ауыл тұрғындары қатысады.   Ұзақтығы: 15 мин. Жиілігі: айына 4 рет Жанры: қоғамдық-саяси Тілі: қазақша Авторы және жүргізушісі: Қаблахат Сейдахмет       «Балдәурен»    Жас балғындардың өнер жолындағы алғашқы талпынысына жол ашу, ұлттық салт-дәстүрге баулу - «Балдәурен» телехабарының басты мақсаты. Хабарды өнерпаз балалардың өздері жүргізіп, өздері өзара пікірлесіп, өнер көрсетеді.   Ұзақтығы: 15 мин. Жиілігі: айына 4 рет Жанры: ойын-сауықтық Тілі: қазақша Авторы және жүргізушісі: Гүлмира Уәлиева

• Қарым-қатынас

  Мекенжайы: 110003, Қостанай қаласы, Әл-Фараби даңғылы, 126   Байланыс телефоны: 8-714-2 54-11-44, 54-29-41 Факс: 54-66-60 Ақпараттық-талдау бағдарламалар бөлімі: 54-45-32, 54-66-03 Бағдарламалар жасау бөлімі: 54-30-68 Хабарлар шығару бөлімі: 54-40-80 Жарнама агенттігі: 54-23-76, 54-89-55   e-mail: office@kostanai.kazakstan.kz